Mu mukino wa nyuma wa volleyball mu itsinda rya kabiri B, Ikipe y’igihugu y’u Rwanda y’abakobwa batarengeje imyaka 20 babanagamo na Misiri yazamutse ari iya mbere, Ibirwa bya Maurice na Uganda, u Rwanda rwatsinze seti ya mbere n’amanota 25-17 biyongeza iya kabiri n’amanota 25-21 mbere yo gutsinda iya gatatu n’amanota 25-23.
Iyi kipe y’u Rwanda yabonye itike ya kimwe cya kabiri cy’irangiza mu mikino Nyafurika iri kubera i Nairobi muri Kenya itsinze Repubulika Iharanira Demokarasi ya Congo amaseti 3-0. Mu gihe mu itsinda rya mbere A ryabagamo Kenya yakiriye irushanwa, hazamutse Cameroun na Nigeria.
Umukino wa mbere mu itsinda rya kabiri (B), u Rwanda rwari rwatsinzwe na Mauritius amaseti 3-2, umukino wa kabiri bakinnye, u Rwanda rwanyagiye Uganda amaseti 3-0, ariko u Rwanda rwatsinzwe na Misiri amaseti 3-1.
Mu mikino ya ½, iyi ikipe y’u Rwanda izacakirana na Cameroun yazamutse ari iya mbere mu itsinda rya mbere A kuko u Rwanda rwazamutse ari urwa kabiri mu itsinda rya kabiri B. Misiri yazamutse iyoboye itsinda rya kabiri B izacakirana na Nigeria yazamutse ari iya kabiri mu itsinda rya mbere A.
NYANDWI Benjamin
